Կարդա´ տեքստը և կատարի´ր առաջադրանքը:
Կենդանիների պոչը
Պատկերացնել շանը կամ կատվին առանց պոչի, գրեթե անհնար է: Հետաքրքիր է` կենդանիների ինչի՞ն է պետք պոչը, ինչո՞ւ նրանք պոչ ունեն…
Պարզվում է, որ պոչը շատ կարևոր դեր է խաղում կենդանիների կյանքում, այն նրանց մարմնի կարևոր մասն է: Մի մասն այն օգտագործում է ցատկելու, մյուս մասը` տեղաշարժվելու համար:Եթե կենդանիներին համեմատենք մեքենայի հետ, ապա պոչը կլինի նրանց ղեկը:
Ձիերին, կովերին և մի քանի այլ կենդանիների պոչն օգնում է ամռանը պաշտպանվել ճանճերից, մոծակներից:
Շների մոտ պոչը տրամադրութան ցուցանիշն է. օրինակ՝ տիրոջը տեսնելիս շունն ուրախությունից թափահարում է պոչը, իսկ եթե այն ներքև է պահած կամ սեղմված է, նշանակում է, որ կենդանին ինչ-որ բանից վախեցած է:
Որոշ կենդանիների պոչը տաքացնում է ցուրտ եղանակին: Այդպիսին են կզաքիսը, աղվեսը, գայլը և էլի շատ ու շատ կենդանիներ: Ձմռանը, երբ նրանք պառկում են քնելու ձյան վրա, կծկվում և պոչով փակում են իրենց քիթը, որպեսզի այն չսառչի:
Խորամանկ աղվեսն առանց պոչի պարզապես չի կարող ապրել, որովհետև շները նրան կբռնեն, իսկ պոչի օգնությամբ նա խաբում է: Պոչը ուղղում է դեպի ձախ, իսկ ինքը փախչում ՝աջ:
Շատ կենդանիներ պոչն օգտագործում են վազքի ժամանակ հավասարակշռությունը պահելու համար: Հենց այդ պատճառով էլ սկյուռիկին անհրաժեշտ է պոչը , երբ նա մի ճյուղից մյուսն է ցատկում: Եվ նրա փամփլիկ պոչը ծառայում է իբրև օդապարիկ:
Իսկ կապիկներին պոչն օգնում է սնունդ գտնել. պոչով կախվելով ճյուղերից՝ նրանք թաթերով կարողանում են պտուղներ պոկել:
Առաջադրանք
- Ի՞նչ դեր ունի պոչը կենդանիների կյանքում:
- Պոչը շատ կարևոր դերունի կենդանիների կյանքում և առանց պոչի կենդանիները չեն կարող ապրել:
- Տեքստից դո՛ւրս գրիր այն հատվածը, որտեղ նկարագրվում է շան տրամադրությունն ըստ պոչի:
- Շների մոտ պոչը տրամադրութան ցուցանիշն է. օրինակ՝ տիրոջը տեսնելիս շունն ուրախությունից թափահարում է պոչը, իսկ եթե այն ներքև է պահած կամ սեղմված է, նշանակում է, որ կենդանին ինչ-որ բանից վախեցած է:
- Ընդգծի՛ր ճիշտ պատասխանը: Կապիկներին պոչն օգնում է՝
- արագ վազել,
- ազատվել թշնամիներից,
- ձմռան ցրտին տաքանալ,
- պոչով կախվել ճյուղերից ու թաթերով բանան պոկել:
- Ո՞ր կենդանին է խաբում իր պոչով:
- Աղվեսն է խաբում իր պոչով նա իր պոչը տանում է դեպի ձախ բայց գնում դեպի աջ:
- Ընդգծի´ր սխալ պատասխանը։
- Ձիերն ու կովերը պոչի օգնությամբ քշում են ճանճերին:
- Ձիերն ու կովերը պոչի օգնությամբ սնունդ են հայթայթում:
- Գրի´ր՝ ի՞նչ նոր բան իմացար կենդանիների պոչի մասին:
- Ես իմացա որ աղվեսը խաբում է իր պոչով և կովերն ու ձիերը քշում են ճանճերի պոչի օգնությանբ:
- Գրի´ր կապույտ ներկված բառերի հականիշները.
- Անհնար-հնարավոր
- Ուրախություն-տխրություն
- ցուրտ-շոգ
- Գրի´ր տեքստում հոգնակի թվով գործածված 2 բառ:
- Ձիեր,կովեր:
- Գրի՛ր պոչատ, ճերմակ, փափուկ, խաբել, բառերի հոմանիշները:
- Պոչատ-պոչ չունեցող
- ճերմակ-սպիտակ
- փափուկ-ոչ կոշտ
- խաբել-ստել
______________
- Ընդգծի´ր ճիշտ պատասխանը։ «Պոչ», «աղվես» բառերը ցույց են տալիս.
- առարկա,
- թիվ,
- հատկանիշ
- գործողություն: